Kryeministri slloven, Miro Cerar njoftoi dorëheqjen pas anulimit nga Gjykata Supreme të një referendumi që i hapte dritën jeshile projektit ambicioz hekurudhor Koper-Divaça, i mbështetur nga qeveria e qendrës së majtë.
Cerar do të informojë sot edhe presidentin e vendit, Borut Pahor për këtë vendim.
Referendumi i anuluar u zhvillua shtatorin e kaluar dhe kërkonte miratimin popullor për ndërtimin e një linje të dytë hekurudhore mes Divaças dhe Koperit, që Cerar e kkishte konsideruar të një rëndësie strategjike për Slloveninë.
Sipas Gjykatës Supreme mbështetja e qeverisë për këtë projekt mund të ndikonte në zgjedhjet parlamentare që do të zhvillohen qershorin e ardhshëm.
Nuk dihet nëse dorëheqja e Cerarit do të pasohet nga zhvillimi i zgjedhjeve të parakohshme.
