‘Jam aktore, më duhet t’i lëviz vetullat’ – Sarah Jessica Parker pretendon se nuk ka përdorur kurrë botoks

Sarah Jessica Parker ka folur për mediat lidhur me pamjen e saj, qëndrimin në formë dhe plakjen.

Gjegjësisht, aktorja shprehet se është konfuze që meshkujt nuk flasin kurrë për plakjen, ndërsa pyetjet dhe temat për plakjen shpeshherë u imponohen femrave.

Ndonëse ka provuar trajtime të ndryshme të reja si shtrëngimi i lëkurës me ultratinguj dhe ‘peeling glikolik’, ajo pretendon se kurrë nuk ka përdorur botoks për të shtrënguar fytyrën e saj.

Lexo po ashtu Rikthehet në trend ngjyra që u përket femrave me karakter të fortë

“Nuk mund të flas në emër të njerëzve të tjerë dhe nuk jam kundër që dikush të bëjë çkado. Thjesht nuk është diçka që unë zgjedh të bëj. Gjithashtu, unë jam një aktore – duhet t’i lëviz vetullat e mia. Kam për qëllim të ndaj emocionet dhe të komunikoj me fytyrën time, e cila duhet të lëvizë për mua”, ka shpjeguar 58-vjeçarja për The Telegraph.

Sarah tregon se nuk shpenzon shuma të mëdha për kujdesin e fytyrës dhe përdor kremin e ditës me faktor mbrojtës, e nganjëherë përdor serum dhe krem ​​nate. Përsa i përket qëndrimit në formë, Parker deklaroi se dikur merrej me balet, por tani ecën shumë dhe preferon të hipë në shkallë sesa ta përdorë ashensorin. /Telegrafi/