Izraeli me sukses teston sistemin e mbrojtjes ajrore Irone Dome nga luftanija

Ministria izraelite e Mbrojtjes dhe marina e këtij vendi, kanë njoftuar se kanë testuar me sukses sistemin e mbrojtjes kundërajrore C-Dome, versionin “detar” të sistemit tashmë të njohur Iron Dome, përkatësisht “kupolës së çeliktë”.

Iron Dome është një sistem i mbrojtjes kundërajrore që u përdor shumë gjatë konfliktit në Rripin e Gazës gjatë vitit të kaluar, duke arritur të shkatërrojë mbi 90 për qind të raketave të shkrepura në drejtim të Izraelit, transmeton Telegrafi.

Pas integrimit të suksesshëm të sistemit të mbrojtjes, SHBA vendosën të blejnë këtë sistem nga Izraeli. Të inspiruar nga suksesi i këtij sistemi raketor, Koreja e Jugut gjithashtu zhvilloi një sistem të ngjashëm për t’u mbrojtur nga Koreja e Veriut.

Iron Dome është zhvilluar nga kompania izraelite Rafael Advance Defence Systems, me qëllimin e vetëm – mbrojtjen e qyteteve izraelit nga sulmet ajrore.

“Naval Iron Dome”: Successful C-Dome interception test aboard INS ‘Oz’ from the Sa’ar 6 ‘Magen’ Class Corvette constitutes the final stage of the naval interception system’s operationalization. pic.twitter.com/5n5iXkpm9y

— Ministry of Defense (@Israel_MOD) November 17, 2022

Për herë të parë u përdor në vitin 2011, e fjala është për sistemin e mbrojtjes ajrore me rreze të shkurtër veprimi, që përdor radarë për zbulimin e predhave që vijnë në drejtim të shtetit izraelit dhe lanson raketat Tamira, për t’i shkatërruar ato të armikut në ajër.

E pasi u dëshmua si efikas versioni tokë-ajër, është zhvilluar versioni për marinën ukrainase që tani quhet C-Dome. Ministria izraelite e Mbrojtje dhe marina njoftuar se testuan këtë sistem nga luftanija Sa’ar 6 class INS oz.

Gjatë testit është simuluar rreziku me të cilin do të ballafaqohet ky sistem në det. Testi u krye në brigjet e pjesës qendrore të Izraelit. /Telegrafi/