Mbrojtësi i Tottenham Hotspur, Cristian Romero, ishte shumë me fat që mori vetëm një karton të verdhë për ndërhyrjen e ashpër ndaj Sandro Tonalit.
Incidenti ndodhi vetëm pak minuta pas pjesës së dytë në të tetën e finales së Ligës së Kampionëve në San Siro.
Ish-mbrojtësi i Atalantës dhe Juventusit, Romero, tashmë po përjetonte një makth, pjesërisht fajtor për golin e parë të Brahim Diaz.
Shumëkush e cilëson se ishte një karton i kuq, pasi goditi Tonalin në kyçin e këmbës.
Gjyqtari zviceran Sandro Schärer zgjodhi të ishte karton i verdhë dhe gjermani Marco Fritz në dhomën e VAR-it nuk vendosi ta thërriste atë për një rishikim në fushë për lojë të rrezikshme. /Telegrafi/
