Ish-presidenti i Real Madridit, Ramon Calderon thotë se Jose Mourinho u refuzua nga lojtarët përpara se të vendoset që të rikthehet Zinedine Zidane.
Portugezi ishte njoftuar për të zëvendësuar Santiago Solarin, por francezi u emërua trajner në një tjetër ditë dramatike te madrilenët.
"Kjo është një zgjedhje e mirë. Një tjetër ishte Mourinho. Por, unë mendoj se në ditët e fundit "udhëheqësit e lojtarëve" kanë hedhur poshtë këtë mundësi".
"Ai u largua nga këtu me shumë probleme. Unë mendoj se ai do të ishte një problem tjetër i shtuar edhe atyre që kemi. Para së gjithash është mirë që Zidane të kthehet si trajner", shtoi spanjolli.
Ndryshe, Reali është eliminuar nga dy trofetë e mundshëm - Liga e Kampionëve dhe Copa del Rey - gjersa matematikisht është në garë për titullin e La Ligës. /Telegrafi/
