Ish-legjenda e Man United i bën thirrje klubit ta transferojë Gulerin: Është lojtari ideal

Ish-sulmuesi i Manchester United, Louis Saha, i ka kërkuar klubit që të nënshkruajë me sensacionin turk Arda Guler nga Real Madridi.

Ai beson se Guler do të shkëlqente në ‘Old Trafford’ përkundër faktit që po vuan të marrë minuta në ‘Santiago Bernabeu’.

Në një intervistë për Manchester Evening News, Saha ka thënë se Manchester Unitedit i duhet një lojtar që krijon raste shënimi.

Saha shtoi gjithashtu se një marrëveshje huazimi do të ishte ideale si për lojtarin ashtu edhe për ‘Djajtë e Kuq’.

Lexo po ashtu Nihat i thotë Real Madridit ta dërgojë Arda Gulerin te rivali i La Ligas

“Manchester United ka shumë për t’i ofruar Arda Gulerit, duke përfshirë më shumë minuta se sa po merr tek Real Madridi momentalisht”.

“Unitedit i duhet ai lloj i lojtarit i cili luan me liri dhe është shumë e vështirë për lojtarët e rinj që ta kenë këtë tek Real Madridi, veçanërisht në mesfushë”.

“Ai ka nevojë të luajë për të përmbushur potencialin e tij dhe ndoshta një huazim do t’i shkonte përshtati pasi ai ishte i jashtëzakonshëm në Euro 2024, ai është një lojtar shumë i mençur”.

“United ka nevojë për dikë i cili krijon raste për lojtarë si Bruno Fernandes dhe Rasmus Hojlund, ata kanë nevojë për një lojtarë i cili është në gjendje të dhurojë pasimin final”, përfundoi Saha./Telegrafi/