IPKO Sponsor krenar i DokuFest – Festivali Ndërkombëtar i Filmit të shkurtër

IPKO është një nga sponsorët kryesorë të DokuFest, festivalit ndërkombëtar të filmit të shkurtër në Kosovë, që do të mbahet në Prizren nga data 2 deri më 10 gusht.

DokuFest sjell filma dhe vizitorë nga mbarë bota, promovon artin dhe kulturën dhe inkurajon debatin mbi temat aktuale. Tema e këtij viti, “NEW ORDER”, eksploron ndryshimet globale dhe ndikimet e tyre.

“DokuFest na frymëzon të investojmë në pasurinë kulturore të komunitetit tonë, duke siguruar që bota e filmit të jetë e qasshme për të gjithë. Ky është zotimi ynë, për të qëndruar pranë komunitetit dhe për të mbështetur rritjen dhe zhvillimin e rinisë dhe kulturës sonë,” tha Andras Pali, CEO i IPKO.

Përmes mbështetjes së aktiviteteve kulturore dhe edukative, IPKO synon të jetë një forcë pozitive në jetën e çdo anëtari të komunitetit tonë. Në këtë kuadër, IPKO organizon punëtorinë DokuKids së bashku me partnerin tonë Telegrafi në Innovation Training Park (ITP) më 5 dhe 7 gusht. Kjo punëtori është e dedikuar për fëmijët e moshës 12-15 vjeç, duke u ofruar mundësinë të zhvillojnë aftësitë në krijimin e videove përmes telefonave mobil. 

Si pjesë e angazhimit tonë për të forcuar lidhjet me komunitetin përmes teknologjisë dhe angazhimit kulturor, IPKO ka shpërblyer disa klientë me fat me bileta falas për festivalin e filmit.

Gjithashtu, në tendën e IPKO-së, e cila ndodhet tek lidhja e Prizrenit gjatë festivalit, do të prezantohen produktet dhe shërbimet e IPKO-së, duke përfshirë ofertat më të fundit, pako speciale për telefoninë mobile, televizionin digjital, internetin, pako Diaspora dhe shumë supriza të tjera.

IPKO është e përkushtuar për të qenë një forcë pozitive në komunitet, duke ofruar zgjidhje inovative dhe duke mbështetur zhvillimin kulturor dhe edukativ. Ne besojmë se duke investuar në teknologji dhe kulturë, ne kontribuojmë në përmirësimin e jetës së klientëve tanë dhe të komunitetit në tërësi. Për më shumë informacion rreth shërbimeve tona, vizitoni www.ipko.com.

Bashkohuni me ne në DokuFest për një festë të artit dhe kulturës. Me IPKO, ju jeni të lidhur me një komunitet të tërë të krijimtarisë dhe angazhimit kulturor!