IPKO feston për 100.000 fansat e saj në Facebook

Me komunikimin dhe kujdesin ndaj fansave të kompanisë në Facebook, IPKO e ka tejkaluar çdo mesatare të kompanive të telekomit nga mbarë bota. Tani, faqja zyrtare e IPKO-së në Facebook ka arritur në mbi 100.000 fansa në rrjetin më të madh social në botë.

Sipas raportit të fundit të SocialBakers, IPKO pozicionohet më lartë se sa mesatarja e kompanive globale të telekomit për shumicën e indikatorëve në rrjetin social Facebook.

Matjet e aktivitetit social të bëra për periudhën Janar-Shkurt 2013 për faqen zyrtare të kompanisë IPKO në Facebook kundrejt mesatares globale të kompanive të telekomunikacionit, thonë se shkalla e rritjes së markës IPKO ka arritur në 36 për qind, krahasuar me 6 për qind sa është rritja e mesatares globale të telekomit.

Ndërsa mesatarja e rritjes ditorë të fansave në faqe për IPKO ka qenë 758, ajo e telekomëve global ishte 561. Indikator tjetër i suksesit të kompanisë IPKO në rrjetin social Facebook për muajin e kaluar ka qenë edhe rangimi i faqes i cili ka arritur në normën prej 69 për qind (7 për qind rritje), krahasuar me mesataren globale të telekomëve që arrin në 40 për qind (2 për qind rritje).

“Është kujdesi dhe komunikimi i vazhdueshëm që na mundëson të dëgjojmë dhe të mësojmë më shumë nga ata që na duan dhe vlerësojnë kaq shumë – 100.000 miqtë tanë në Facebook. Dhe, për të festuar për miqësinë tonë, IPKO së shpejti do të lansojë një produkt shumë unik dhe inovativ, i cili i dedikohet vetëm miqve tanë në rrjetin social” ka thënë Alban Kastrati, Drejtues i Marrëdhënieve me Publikun në IPKO.

Pas faqes së IPKO në Facebook, radhitet edhe komuniteti i vetëm i të rinjëve në Kosovë, platforma hej! Pse po pret? e cila tashmë ka më shumë se 73.000 fansa në faqen e saj në Facebook.