Intervistohet drejtori i Insajderit për veprën penale “Zbulimi i fshehtësisë zyrtare”

Drejtori i portalit “Insajderi”, Parim Olluri sot është marr në intervistim nga krimet e Rënda të Policisë së Kosovës për inicimin e rastit nga Prokuroria Themelore në Prishtinë për veprën penale “Zbulimi i fshehtësisë zyrtare”, kjo pas publikimit të një informate të premten sipas të cilës ministri i Shëndetësisë Arben Vitia ka neglizhuar nënshkrimin e kontratës me kompaninë amerikane për furnizim me vaksina anti-COVID Pfizer dhe BioNetch.

Lajmin e konfirmoi vet Olluri në rrjetin e tij social në Facebook, në të cilën shkruan se sot në mëngjes Krimet e Rënda të Policisë zbarkuan në Insajderi.

“Nuk e di sa është i saktë njoftimi i Prokurorisë që thotë se ‘mediat nuk do të hetohen’. Në mëngjes Krimet e Rënda të Policisë zbarkuan në Insajderi. Fillova intervistimin aty. Kërkuan që intervistimi të vazhdoj në stacion policor”, ka shkruar Olluri.

Lexo po ashtu U raportua për mos nënshkrimin e kontratës për furnizim me vaksinën Pfizer, prokuroria inicion rast për vepër penale 'zbulimi i fshehtësisë zyrtare'

Ai po ashtu thotë se bashk me avokatin e Insajderit janë të obliguar që të paraqiten për intervistim në stacionin policor.

“Pas pak, bashkë me avokatin e Insajderit jemi të obliguar që të paraqitemi për intervistim në stacion policor”, ka shkruar ndër të tjera Olluri. /Telegrafi/