Interi takohet me Veronën – bisedohet për dyshen shqiptare, Rrahmani e Kumbulla

Dyshja mbrojtëse shqiptare e Hellas Verona, Amir Rrahmani dhe Marash Kumbulla kanë përfunduar në radarin e klubit të madh italian, Interit.

Interi po shikon të ardhmen pavarësisht eliminimit të fundit nga Liga e Kampionëve, i cili vjen me humbjen e të ardhurave të mundshme shtesë.

Por, me Serie A, Ligën e Evropës dhe Kupën e Italisë akoma në lojë, Nerazzurrët duan të përgatiten dhe të shtojnë opsionet në ekip.

Lexo po ashtu Presidenti i Veronas, Setti: Rrahmanit edhe pse i është rritur vlera, nuk largohet në janar

Këtë mëngjes drejtuesit e Interit u takuan me presidentin e Hellas Verona, Maurizio Setti, ku të dy klubet kanë një marrëdhënie të fortë siç dëshmohet nga marrëveshja  për talentin Eddie Salcedo.

Come riporta Gianluca Di Marzio, quest oggi Maurizio Setti, in compagnia della figlia Elena è stato in sede dell’Inter. Si è parlato di Eddie Salcedo,ma anche e soprattutto di Amrabat,Kumbulla e Rrahmani (per… https://t.co/XLsRZaXjLJ

— HellasVeronaStyle (@HVeronaStyle) December 12, 2019

Nerazzurrët janë veçanërisht të interesuar për mesfushorin Sofyan Amrabat të cilin Verona do ta blejë nga Brugge verën e ardhshme për 3.5 milionë euro për të shitur më pas për një shifër mbi 15 milionë euro.

Napoli është gjithashtu i interesuar për Amrabat, i cili nuk mund të shitet në janar pasi ai tashmë u paraqit për dy skuadra këtë sezon.

Interi po monitoron gjithashtu dy nga mbrojtësit shqiptar të Veronës, Marash Kumbulla dhe veçanërisht Amir Rrahmani, i cili do të ishte një objektiv për verën e ardhshme.

Interi dhe Verona zhvilluan sot bisedime paraprake me një sy për të ardhmen. /Telegrafi/