Interi ka arritur të fitojë ndaj Sampdorias me rezultat 3-2 në ndeshjen e vlefshme për javën e 10-të të Serie A.
Skuadra e Luciano Spallettit e nisi shumë mirë takimin dhe me agresivitetin e minutave të parë arriti ta fusë në 30 metrat e fundit Sampdorian.
Sulmet e zikaltërve ishin të pandalshme dhe suksesi erdhi në minutën e 18-të.
Pas një harkimi në zonë më së miri u gjend Milan Skriniar që shënoi gol të bukur me kokë.
Milan Skriniar duke shënuar /Getty Images)
Sulmet nuk u ndalën dhe Mauro Icardi gjeti golin për 2-0.
Ishte minuta e 32-të kur një harkim në zonë u devijua nga mbrojtja, ndërsa sulmuesi argjentinas me të parën gjuan bukur për të shënuar.
Mauro Icardi duek festuar golin/Getty Images)
Pjesa e parë u mbyll me ketë rezultat dhe me një lojë të pëlqyer të Interit.
Pjesa e dytë nisi me të njëjtin ritëm dhe Interi kërkonte ta mbyllte ndeshjen sa më shpejtë.
Mautro Icardi arriti ta shënojë golin e dytë personal në minutën e 55-të.
Pamje nga ndeshja
Ivan Perisic pasoi për argjentinasin që nga afër gjeti portën për 3-0.
Më e shumta që mysafirët arritën të bënin ishte goli i nderit i shënuar Daëid Koënacki në minutën e 64-të.
Sampdoria provoi të bënte më shumë, por Interi u mbyll mirë deri në minutën e 87-të.
Fabio Quagliarella arriti të shënonte gol nga afër, pas një tollovie në zonë (3-2).
Pas kësaj ndeshje Interi është lider me 26 pikë dhe ndeshjen e ardhshme luan si mysafir i Veronas. /Telegrafi/
https://www.dailymotion.com/video/x660jhs
https://www.dailymotion.com/video/x660lvd
https://www.dailymotion.com/video/x660rth
