Interi merr lajmin e madh, Handanovic gati për derbin ndaj Juventusit

Samir Handanovicit i është dhënë drita jeshile për të rifilluar stërvitjen dhe prandaj ka të ngjarë të luajë për Interin kundër Juventusit të dielën.

Portieri slloven ka qenë jashtë veprimit pasi ka pësuar një frakturë në gishtin e vogël në dorën e majtë gjatë një stërvitje më 1 shkurt.

Sipas Sky Sport Italia, kontrolli i fundit mjekësor tregon se fraktura është shëruar dhe ai mund të rifillojë stërvitjen me top nga nesër.

Kjo bën të mundur që Handanovic do të kthehet në portë për udhëtimin e së dielës në Serie A te Juventusi.

Gjatë mungesës së tij, Daniele Padelli ka qenë mbulesë për kapitenin, por ka dëshpëruar me formën e tij. /Telegrafi/