Portieri i Lazios, Thomas Strakosha, shihet si kandidati kryesor për të zëvendësuar Samir Handanovicin te Interi.
Lajmi jepet nga mediat spanjolle që janë të specializuara për shit-blerjen e lojtarëve, që e shohin portierin shqiptar si blerje potenciale e zikaltërve.
Dy golat e pësuar nga Torino në fundjave e kanë bërë portierin slloven përgjegjës për barazimin dhe kritikat kanë qenë të mëdha drejt tij.
Thomas Strakosha (Getty Images)
Tashmë te 34-vjeçari nuk është më besimi që ka qenë dhe drejtori sportiv, Ausilio, po kërkon një emër të ri për portën.
Përveç Thomas Strakoshës, në listë janë edhe portieri i Ajaxit të Amsterdamit, Andre Onana, dhe ai i PSG, Alphonse Areola.
Alphonse Areola (Foto: Getty Images)
Portieri kuqezi shihet si alternativa e parë e klubit.
Tashmë mbetet që të bindet Igli Tare për shitjen e ti j dhe duke e parë moshën dhe talentin, sigurisht që Lazio do të kërkojë miliona euro. /Telegrafi/
