InstaBuilt pjesëmarrës në Forumin e Bizneseve të Kosovës

InstaBuilt, kompania revolucionare dhe inovative në fushën e ndërtimit do të marrë pjesë në Forumin e Bizneseve të Kosovës që do të zhvillohet nga 23 deri më 25 Janar 2024. Ky forum i rëndësishëm do të sjellë të gjithë akterët kryesorë të biznesit në Kosovë për të ndarë idetë dhe për të krijuar lidhje të reja.

Më datën 24 Janar, në orën 16:30, Mentor Pllana, themeluesi dhe CEO i InstaBuilt, do të jetë folësi kryesor i cili do të prezantojë vizionin dhe përvojën e InstaBuilt në ndërtimin e shpejt të shtëpive inovative. Pllana në këtë forum do të prezantojë shtëpitë Eco-Bio-Green, që ofrohen për herë të parë për blerësit potencial në Kosovë. Pjesëmarrja e Mentor Pllanës është një mundësi e jashtëzakonshme për të përfituar nga vizioni i tij dhe për të zbuluar më shumë rreth revolucionit që InstaBuilt po e sjellë në industrinë e ndërtimit.

Një nga produktet kryesore të InstaBuilt është shtëpia e pozicionuar në oborrin e Hotel Emerald në Prishtinë. Ky model i veçantë i shtëpisë mund të montohet brenda 3 orësh, duke demonstruar aftësinë e InstaBuilt për të përdorur metodat e avancuara të ndërtimit. Kjo shtëpi e veçantë ofron një zgjidhje të shpejt dhe efikase për të gjithë ata që janë në kërkim të një shtëpie cilësore.

Në këtë forum të rëndësishëm, InstaBuilt prezanton për herë të parë shtëpitë Eco-Bio-Green për tregun e Kosovës. Kjo ofertë revolucionare përfshin mundësinë për të pasur një shtëpi ekologjike, ndërkohë që ProCredit Bank mundëson normë preferenciale të interesit për produktet e InstaBuilt. InstaBuilt dëshiron të inkurajojë ndërtimin e objekteve të qëndrueshme, të cilat kontribuojnë në mirëqenien e mjedisit dhe të komunitetit.

Në këtë ngjarje të rëndësishme, InstaBuilt do të ofrojë oferta speciale për produktet që prezantojnë. Vizitorët e forumit kanë mundësinë të përfitojnë nga këto oferta të veçanta dhe të njihen më për së afërmi me inovacionet dhe zgjidhjet që InstaBuilt ofron në fushën e ndërtimit.

Për të mësuar më shumë rreth produktit dhe ofertave të InstaBuilt, ju ftojmë të vizitoni këndin e InstaBuilt në Forumin e Bizneseve të Kosovës. /Telegrafi/