Infektohen me coronavirus dy punëtorë në një fabrikë të tekstilit në Shtip

Në Shtip, brenda dy ditësh, janë regjistruar tre raste të reja me coronavirusit, dy prej të cilëve janë punëtorë të një fabrike të tekstilit nga i njëjti sektor dhe një mjek shëndetësor nga ordinanca private.

Autoritet nga Qendra për Shëndet Publik – Shtip aktualisht janë duke kryer anketat epidemiologjike dhe janë në kërkim nëse këto raste kanë ndërlidhje apo janë një grup i ri i infektuar në konfeksion.

“Shtipi është një qytet i industrisë së tekstilit, kështu që ne më së shumti dëshirojmë të apelojmë deri në konfeksionet e tekstilit dhe të gjitha subjektet e tjera që kanë një numër më të madh të të punësuarve dhe në të cilin procesi i prodhimit kërkon praninë e detyrueshme të disa personave në një dhomë. Ata duhet të kujdesen për higjienën e mjeteve të transportit me të cilat transportohen punëtorët – dezinfektim të detyrueshëm të së njëjtës, distanca e personave të transportuar me këto mjete nga dhe në vendin e tyre të punës të jetë nga 1.5 në 2 metra, të njëjtit të jenë të detyrueshme të veshin pajisje mbrojtëse personale – maska, dhe mundësisht doreza”, thuhet në një deklaratë të Qendrës për Shëndet Publik – Shtip.

Epidemiologët kanë marrë mostra nga 11 persona, shtatë prej të cilëve janë nga fabrika e tekstilit, ku janë punësuar punëtorët e tekstilit. Përndryshe, bëhet fjalë për një fabrikë që punëson rreth njëqind punëtorë./Telegrafi/