Identifikohet tifozi i Veronas që fyeu Balotellin në baza racore, i shqiptohet dënim i rëndë

Një tifozit të Hellas Veronas i cili abuzoi në baza racore me sulmuesin e Brescias, Mario Balotelli, i është dhënë një ndalim pesë-vjeçar nga të gjitha ngjarjet sportive.

Incidenti ndodhi gjatë një ndeshje në Serie A në Stadio Bentegodi, kur Balotelli gjuajti topin në tribunat e zonën nga ku vinin thirrjet fyese.

Verona këmbënguli se askush nuk i kishte dëgjuar thirrjet racore në drejtim të sulmuesit, por më vonë një tifoz i vendasve ngarkoi një video në mediat sociale, ku ato ishin qartë të dëgjueshme.

Lexo po ashtu Balotelli fyhet sërish në baza racore, derisa ndeshja Verona - Brescia u ndërpre

Kjo pamje ishte përdorur për të identifikuar një prej përkrahësve, një 38-vjeçar që po vizitonte Veronën nga Agrigento, Sicili.

Tani atij i është dhënë një dënim i rëndë, i cili e ndalon atë të marrë pjesë në ndonjë ngjarje sportive në Itali ose në Bashkimin Evropian për pesë vitet e ardhshme.

Lexo po ashtu Presidenti i Brescias, Cellino: Balotelli nuk ka buzëqeshur më që nga abuzimi racor në Verona

Ndërsa kjo sigurisht që është përparim, mbetet fakti se ai u identifikua dhe u soll para drejtësisë, vetëm sepse tifozët ngarkuan videon e tyre.

Përdorimi i kamerave të mbikëqyrjes dhe sigurimit për të identifikuar tifozët nuk ka rezultuar ende efektiv. /Telegrafi/