Luciano Spalletti është pranë largimit nga posti i trajnerit të Italisë, pas humbjes shokuese 0-3 ndaj Norvegjisë, që ka lënë Kombëtaren jashtë garës për trofe në Ligën e Kombeve.
Pas rezultateve zhgënjyese dhe presionit në rritje, trajneri 65-vjeçar ka zhvilluar diskutime të brendshme me Federatën Italiane, dhe gjithçka duket se po shkon drejt një ndarjeje.
Gazetari i njohur italian, Fabrizio Romano, raportoi zhvillimet e fundit përmes rrjeteve sociale, ku bëri të qartë se largimi është shumë pranë.
“Luciano Spalletti tani është gati të japë dorëheqjen dhe të largohet nga detyra e ekipit kombëtar të Italisë ”, shkruan Romano.
“Diskutimet me Federatën u zhvilluan në orët e fundit pas humbjes 0-3 kundër Norvegjisë. Spalletti mund të njoftojë së shpejti largimin e tij nga detyra e ekipit kombëtar të Italisë.”
“Kapitulli i tij si trajner i Italisë konsiderohet i përfunduar.”
Në ditët në vijim pritet një reagim zyrtar nga Federata Italiane, ndërsa mediat në Itali tashmë kanë filluar të përmendin emrat e mundshëm për pasardhësin. /Telegrafi/
