Dy vëllezër nga Brazili që kanë bicepsët gjigant prej 60 centimetrave, kanë zbuluar sekretin e përmasave gjigante trupore të tyre - duke pranuar se vazhdimisht injektojnë një substancë të rrezikshme.
Ton "Hulk" Geraldo, 49-vjeç, dhe Alvar "Conan" Pereira, 50, injektojnë vazhdimisht një substancë të rrezikshme qysh nga mosha e adoleshencës, dhe i vetmi qëllim i tyre është që t'i bëjnë bicepsët e tyre sa më të mëdhenj, transmeton Telegrafi.
Vëllezërit nga Rio de Janeiro i Brazilit, pretendojnë se "dikur ishin të varur nga shprehia që t'i bëjnë bicepsët së më të mëdhenj", por tani besojnë se situatën e kanë nën kontroll.
Përveç kimikaleve të rrezikshme që i injektojnë, këta vëllezër kalojnë orë të tëra në palestër duke ushtruar, por edhe duke mbajtur dieta strikte.
Geraldo ka pranuar se çdo tri orë hanë, kryesisht vezë, patate dhe mish, derisa Pereira hanë katër herë në ditë, ku gjatë 24 orë konsumon deri në 6 mijë kalori. Para se të futën në palestër konsumojnë deri në 12 banane dhe 6 të bardhë të vezë.
Këta vëllezër kanë pranuar gjithashtu se muskujt e mëdhenj shpesh herë u krijojnë probleme, pasi nuk mund të kalojnë përmes disa dyerve të vogla.
Periera injekton bicepsët dhe këmbët me steroide dhe substanca tjera të quajtura Potenay B12 që nga mosha 15-vjeçe. Ndërkaq vëllai i tij i vogël, ka shkuar hapave të tij pasi mbushi 18-vjet, pasi e kuptoi se nëse ia fillon më herët mund t'i kushtojë me jetë.
Ata filluan të injektojnë kimikale të ndryshme pasi mendonin asokohe se ishin shumë të dobët, ku Geraldo peshonte si adoleshent vetëm 49 kilogramë, kurse Pereira, 70. /Telegrafi/
