Historia emocionuese e Alphonso Davies: Lindja e një ylli në një kamp refugjatësh dhe mbijetesa në në varfëri të skajshme

Alphonso Davies është sensacioni më i ri në futboll, derisa po shkëlqen te Bayern Munichu.

Mbrojtësi i natyralizuar kanadez ka arritur të përvetësojë shumë futbolldashës me lojën e tij, mirëpo për t’u bërë ky që është sot, kishte hasur në shumë vështirësi.

Davies rrjedh nga një familje e varfër nga Liberia, të cilët kishin ishin zhvendosur detyrimisht në një kamp refugjatësh në Ganë, për t’i shpëtuar kështu shfarimit nga lufta civile.

Në kampin ku qëndruan familja, Dadives lindi aty, duke jetuar për pesë vite mes urisë së skajshme, nga e cila mrekullisht arritën të mbijetonin.

Prej aty, familja e mbrojtësit kaloi ilegalisht në Kanadë, për të shpëtuar nga uria, e më vonë ai arriti që të futej në futboll me grupmoshat e reja.

Shumë klube të interesuar për të, kishin kontaktuar familjen e tij, duke u bërë me dije se ai kishte shumë talent dhe aty filloi karriera e tij.

Si 15-vjeçar, Davies u transferua tek Vancouver Whitecaps në MLS, duke u bërë lojtari më i ri që luante në këtë ligë.

Disa vite më vonë, Bayern Munichu dërgoi zbuluesit e lojtarëve për të shikuar lojën e tij dhe e bleu lojtarin për një shifër të ulët prej 10 milionë euro, megjithatë vlera e lojtarit tashmë ka shkuar gati gjashtë herë më e lartë. Përpara ndeshjes me Barcelonën, Alfonso deklaroi se Lionel Messi ishte idhulli i tij, por ishte koha të luante kundër tij.

Lojtari përballoi vështirësitë e mëdha që në një moshë fare të vogël, por tashmë është jeta ajo që po ja shpërblen çdo sakrificë, pasi është një nga mbrojtësit më të mirë në botë. /Telegrafi/