Herolind Shala, ndër më të mirët në Ligën e Kombeve sa i përket pasimeve të sakta

Herolind Shala, dalë nga dalë është duke u kthyer në lider të mesfushës te Kosova.   

Futbollisti që luan para mbrojtjes, është ai nga i cili lindin të gjitha aksionet sulmuese të Kosovës dhe për këtë arsye, është pika e pasimit të shumë shokëve të skuadrës.

Ai është kthyer në një nga yjet e këtij edicioni të Ligës së Kombeve sa i përket pasimeve të sakta.

Kështu, sipas statistikave zyrtare të UEFA-s, Shala është në top -10 në listën e atyre që kanë kompletuar më shumë pasime deri tani.

I pari është mbrojtësi Sergio Ramos që ka kompletuar 306 pasime.

Richard Almeida (298) e Gara Garayev (276) të Azerbajxhanit janë aty. Para Shalës janë edhe Alexandru Epureanu  dhe Veaceslav Posmac, që ka kompletuar 276 pasime.

Mesfushori i Kosovës ka regjistruar 253 pasime në katër ndeshjet e deritanishme.

Shala me paraqitjet e tij te skuadrën Star është kthyer në njërin prej lojtarëve më të mirë në kampionat.

Kosova është e parë në grup me tetë piëk, dy më shumë se Azerbajxhani. /Telegrafi/