Haziri: Konferenca ndërkombëtare e rrezikshme, mund të dëmtojë Kosovën

Nënkryetari i LDK-së, Lutfi Haziri, ka folur për mundësinë e mbajtjes së një konference ndërkombëtare për Kosovën.

Haziri ka deklaruar se mbajtja e një konference të tillë do të jetë e vështirë për Kosovën.

“Konferenca ndërkombëtare si ide është hedhur nga presidenti francez, Emmanuel Macron. Ka pasur kohë kur Franca nuk ka besuar në ‘shuttle’ diplomaci, si format i këtyre negociatave që i ka me ndërmjetësim në Kosovë. Ka kërkuar një konferencë të shpejtë, të mobilizuar edhe të shkurtër ku zgjidhet problemi”.

“Konferenca do të jetë e vështirë për Kosovën. Nëse në ‘shuttle’ diplomaci nuk arrin t’i maksimalizosh kërkesat, t’i prezantosh qëllimet e kërkesat e tua, në kohën kur je i pranuar ndërkombëtarisht, atëherë një konferencë e tillë mund të jetë e rrezikshme. Kjo sepse mund të formojë një marrëveshje e cila nuk mundet t’i realizojë qëllimet tona, e ajo është njohja nga ana e Serbisë”, ka thënë Haziri, në Info Magazine të Klan Kosovës.

Lexo po ashtu Rama me ide pas takimit me Borrellin: Të organizohet konferencë me Kurtin dhe Vuçiqin, të mos lejohen të dalin pa arritur një marrëveshje

Kryeministri shqiptar, Edi Rama, në një takim që pati me presidentin e Komisionit Evropian, Charles Michael, ka thënë se u bisedua për mundësinë e mbajtjes së një konference të tillë për vendin.

Presidenti i Këshillit Evropian, Charles Michel, theksoi sot se mbështet idenë për një konferencë ndërkombëtare për Kosovën dhe Serbinë dhe kjo sipas tij me qëllim uljen e tensioneve mes tyre.