Hazard: Transferimi te Real Madridi është ëndërr

Eden Hazard ka folur përsëri për një transferim të mundshëm te Real Madridi, lëvizje të cilën ai e cilëson si ëndërr nga fëmijëria.

Hazard është golashënuesi më i mirë i Ligës Premier me shtatë gola, pas golit të fundit në fitoren 3-0 në Southampton dhe ai pranon se vendimi i tij i ardhshëm mund të përcaktojë të ardhmen e tij.

“Po, për këtë kam folur pas Kupës Botërore dhe kam thënë se mendoj se është koha për të ndryshuar ambient, sepse kam luajtur një Kupë të madhe Botërore”, u ka thënë fillimisht Hazard gazetarëve në stadiumin St Mary’s.

Lexo po ashtu Hazard: Ndjehem mirë te Chelsea, por nuk i dihet pas dy muajsh

“Jam me të vërtetë në lojë, jam duke luajtur futboll të mirë për momentin”.

“Real Madridi është klubi më i mirë në botë. Nuk dua të gënjej sot”.

“Kjo është ëndrra ime që kur kam qenë fëmijë. Kam ëndërruar për këtë klub, do të shohim”.

Lexo po ashtu Hazard zbulon katër futbollistët më të mirë në Ligën Premier

“Nuk dua të flas për këtë çdo ditë, nuk kam kohë, por së shpejti do të flasim për të ardhmen time. Mendoj se kur ju keni një ëndërr, sigurisht se doni ta bëni atë realitet”.

“Është sikurse e kam thënë shumë herë, nëse largohem do të jem i lumtur, por e di se nëse qëndroj, do të jem gjithashtu i lumtur”, përfundoi ylli belg. /Telegrafi/