Guardiola do të tentojë ta thyej një rekord që ishte nisur në kohën e tij te Barcelona

Manchester City është skuadra e radhës që do të kërkojë të fitojë në Camp Nou pasi skuadra e Barcelonës nuk ka humbur në 20 ndeshjet e fundit në grupe.

Duhet të kthehet në tetor të vitit 2009, për ta gjetur humbjen e fundit të katalunasve në fazën e grupeve.

Në atë kohë trajner ishte Pep Guardiola, ndërsa humbën nga Rubin Kazan.

Është interesant fakti që të njëjtin rekord e mban edhe Real Madridi i vendosur në Santiago Bernabeu me humbjen nga Milani (3-2), ku ndodhi pas një dite me 21 tetor 2009.

Asnjë skuadër nuk ka këso rekordi nga ato skuadra që marrin pjesë çdo vit në këtë garë.

Juventus dhe Paris Saint-Germain, me nga 13 ndeshje janë klubet që iu ofrohen, ndërsa edhe klubi italian nuk ka humbur në shtëpi që nga viti 2009, por kanë munguar në disa sezone në këtë garë.

Bayern ka shtatë ndeshje pa humbje në Allianz Arena, ndërsa Arsenal tri ndeshje pa humbje në Emirates.

Prej që ekziston Liga e Kampionëve, 20 vite më parë, Barcelona ka humbur vetëm pesë nga 73 ndeshje në Camp Nou. /Telegrafi/