Guardiola me fjalë të përzgjedhura për lojtarët e tij, “telefonata” me Real Madridin – derisa i çon mesazh edhe Liverpoolit

Pep Guardiola kishte vetëm lëvdata për lojtarët e Manchester City, pasi ia dolën të përmbysnin rezultatin ndaj Aston Villës në 3-2, për t’u rikonfirmuar kampion.

Citizens ishin duke humbur 2-0, por ia dolën që të përmbysnin shifrat dhe të fitonin trofeun e dytë me radhë.

Pas ndeshjes, Guardiola deklaroi se ata janë legjendarë dhe se lojtarët e tij janë shumë të veçantë.

Lexo po ashtu Dikush gënjeu se Aston Villa kishte barazuar rezultatin ndaj Cityt, shikoni festën e 'çmendur' të tifozëve të Liverpoolit - por që u zhgënjyen në fund

“Momenti që gjetëm golin e parë ndryshoi çdo gjë. Kemi luajtur në kushte jo normale, por duhet ta përballojmë. Ne jemi legjenda”, ka deklaruar fillimisht ai.

“Kur e fiton Ligën Premier katër herë brenda pesë vjetësh atëherë është e qartë se këta djem janë shumë, shumë të veçantë. Ne do të mbahemi mend”.

Lexo po ashtu Manchester City konfirmohet kampion i Ligës Premier për të dytin sezon radhazi - fitore me përmbysje ndaj Aston Villës

“Titullin e parë e fituam me dallim të madh pikësh. Më pas në Brighton, më pas në shtëpi pa shikues. Tani me njerëz në stadium, është më i miri. E thirra Real Madridin dhe ata më dhanë një këshillë të mirë”.

“Madhështia e të arriturës definohet nga madhësia e rivalit tuaj. Nuk kam parë asnjëherë një ekip si Liverpooli. E di që është e vështirë, por urime për Liverpoolin. Na ka ndihmuar të jemi ekip më i mirë”, ka shtuar më tej Guardiola. /Telegrafi/