Grupi mercenar rus rekruton luftëtarë përmes PornHub: Mos m*****, eja puno për Wagner

Grupi mercenar rus Wagner përdori një platformë jokonvencionale për të rekrutuar luftëtarë të rinj për të luftuar forcat ukrainase, duke postuar një reklamë në ueb-faqen e njohur pornografike Pornhub.

Forcat ushtarake private të aleatit të Putinit, Yevgeny Prigozhin, u përballën me probleme në rekrutimin e mercenarëve, veçanërisht pasi luftëtarët e tyre vazhdojnë të vdesin në vijën e frontit, dhe kështu vendosën një reklamë sugjeruese në rajonet e Kemerovës dhe Volgogradit të Rusisë, raporton Ukrainska Pravda.

Reklama e rrezikshme paraqet një grua që rrotullon lëpirësen në gojë, ndërsa u kërkon shikuesve të aplikojnë për një vend në Wagner. Është e paqartë se sa herë është parë reklama në Pornhub dhe sa kohë ka qenë në ueb-faqe.

“Ne jemi ushtria më e mirë private në botë. Ne rekrutojmë luftëtarë nga të gjitha rajonet e Rusisë… Mos masturboni, shkoni të punoni në PMC të Wagner”, thuhet në reklamën 15 sekondëshe përpara se të shfaqet një numër telefoni në ekran që dyshohet se është i lidhur me grupin e Wagner.

Lexo po ashtu Eksperti ushtarak britanik, thotë se deri në 30 mijë ushtarë rusë janë vrarë apo plagosur në Bakhmut

Grupi mercenar rus, që mori një rol udhëheqës në luftën Ukrainë-Rusi dhe fitoi dënimin ndërkombëtar për përpjekjet e tij, është bërë i njohur për taktikat e ndyra të rekrutimit, si rekrutimi i refugjatëve sirianë ose të burgosurve rusë.

Grupi i Wagner u ofroi falje të dënuarve nëse mbijetonin gjashtë muaj shërbimi në Ukrainë, ndërsa një transkript i lëshuar nga Departamenti i Mbrojtjes i SHBA në korrik, akuzonte grupin e Wagner për rekrutimin e mercenarëve nga Libia dhe Siria.

“Që nga fillimi i marsit 2023, Wagner ka krijuar ekipe në qendrat sportive në të paktën 40 vende në të gjithë Rusinë”, tha të hënën Ministria ruse e Mbrojtjes.

Sipas një reklame të klasifikuar të postuar në një kanal Telegram të lidhur me Wagner, ky grup mercenar rus thuhet se po kërkon njerëz me dhe pa përvojë ushtarake midis moshës 22 dhe 50 vjeç për role si specialistë të këmbësorisë, artilerisë dhe të tjera.

Lexo po ashtu Kishin vendosur kamera sekrete “për të vëzhguar” perëndimorët që shkonin në Ukrainë, në Poloni arrestohen një grup spiunësh rusë

Në njoftim thuhej gjithashtu se psikologë, mjekë dhe shoferë nevojiten si pjesë e një aksioni të veçantë rekrutimi.

Ata rekrutuan të paktën 20,000 të burgosur për të marrë pjesë në pushtimin rus të Ukrainës, por në dhjetor Reuters raportoi se numri mund të shkonte deri në 40,000.

Sipas një vlerësimi të Shtëpisë së Bardhë në shkurt, numri i luftëtarëve të Wagner të vrarë ose të plagosur që nga fillimi i pushtimit në shkurt 2022 në më shumë se 30,000. /Telegrafi/

ЗМІ звернули увагу на те, що ПВК "Вагнер", власником якого є Євген Пригожин, почали рекламувати на популярному порносайті Pornhub (18+). pic.twitter.com/pXfiXq2jrI

— Українська правда ✌️ (@ukrpravda_news) March 15, 2023