Grkovska-Klein: Mbështetja e Hungarisë për RMV-në në procesin e integrimit evropian vazhdon

Zv. kryeministrja përgjegjëse për politikat për qeverisje të mirë, Slavica Grkovska, ka zhvilluar takim me ambasadorin hungarez në vend, András Klein.

Grkovska e falënderoi për mbështetjen të cilën shteti jonë e merr nga Hungaria gjatë procesit në Bashkimit Evropian, veçanërisht gjatë kësaj periudhe të ndjeshme gjeopolitike, kur procesi për zgjerim paraqet edhe pyetje për vendin nga regjioni, por dhe për BE-në.

Klein theksoi se integrimi i vendeve të Ballkanit Perëndimor në Bashkimin Evropian është prioritet i madh për vendin e tyre, e cila në gjysmën e dytë të vitit 2024 do ta marr presidencën e Këshillit të BE-së. Duke pasur parasysh sfidat me të cilat përballet Maqedonia e Veriut në rrugën drejt anëtarësimit të plotë, ai shprehu shqetësimin për mundësinë e ndarjes së proceseve integruese të Maqedonisë së Veriut dhe Shqipërisë.

Dy bashkëbiseduesit ranë dakord se për ta arritur qëllimin strategjik, lufta kundër korrupsionit është një ndër luftërat më të rëndësishme. Në këtë drejtim, zv. kryeministrja e informoi se ambasadorin Klein për aktivitetet të cilat do të zhvillohen në Kabinetin për Politika të Qeverisjes së Mirë në fushën e forcimit të mjeteve dhe mekanizmave kundër korrupsionit, si dhe u ndanë mendime për ndryshimet aktuale në legjislacion dhe situatën në sistemin gjyqësor./Telegrafi/