Gjilani ka disa kërkesa për FFK-në

Drejtuesit më të lartë të klubeve të Gjilanit dhe Besës, janë takuar sot me zyrtarët e FFK-së, nënkrytarin Agim Ademi dhe sekretarin Eroll Salihu, në mungesë të kryetarit Fadil Vokrri që ndodhej jashtë vendit.

Sipas njoftimit të Gjilanit, të gjithë janë dakorduar që këto dukur të eliminohen sa më shpejtë dhe njëzëri u dënuan aktet e tilla.

Gjilani ka publikuar edhe disa kërkesa në drejtim të FFK-së, ndër ta pezullimin e gjyqtarëve Vula, Baliqi, Këpuska, Hajdari, Sekiraqa dhe Zeqiri.

Në fund të komunikatës, ata kanë bërë me dije se fitoren do ta kërkojnë jo përmes manipulimeve, por vetëm përmes korrektësisë.

Kërkesat e Gjilanit

1.Të suspendohen referet Kreshnik Vula me anësoret Erduan Baliqi dhe Benon Kepuska dhe Hajriz Hajdari me anesoret Fatmir Sekiraqa dhe Edmond Zeqiri, deri në marrjen e masave disiplinore ndaj tyre.

2.Kërkohet që komisioni për delegimin e referëve të mos delegojë të njëjtin refer për të njëjtin klub në ndeshje të radhës.

3. Delegimi i referëve të bëhet me short.

4. Kërkohet që të gjitha klubet të përafrohen për një mbarëvajtje të rregullt të garave.

5. Reagojmë ndaj emisionit sportiv 2 me 1 dhe “vetanalistit” Vehbi Ibrahimi për një vlerësim jokorrekt ndaj referimit.