Mbrëmja e së martës në Big Brother VIP Albania solli debate të ashpra mes banorëve, ndërsa vëmendjen e mori një moment i pazakontë me deklaratën e Gjesti.
Gjatë një debati të ndezur mes Eglit dhe disa prej banorëve të tjerë, ku u përmend se ajo qëndron pas Gjesti për shkak të simpatizantëve të tij nga jashtë, ky i fundit ndërhyri me një koment të papritur.
“Nëse kam aq shumë fansa, po ia fus gjumit dhe po e fitoj Big Brother-in pra, se nuk e di çfarë kanë,” tha Gjesti me një ton të shkujdesur, duke shtuar: “Unë nuk e shpëtoj këtë (Eglin). Nuk e di çfarë keni me mua”.
Deklarata e tij, e cila u duk si një përzierje mes ironisë dhe vetëbesimit, shkaktoi reagime të ndryshme mes banorëve dhe publikut. Ndërsa disa e panë si një moment humori, të tjerë e konsideruan si mungesë serioziteti ndaj lojës dhe marrëdhënieve brenda shtëpisë.
Spektakli vazhdoi me tensione mes banorëve, por fjalët e Gjesti lanë një shije të fortë, duke bërë që publiku të diskutojë mbi rolin dhe strategjinë e tij në lojë.
Kjo deklaratë e tij ka nxitur debate edhe jashtë shtëpisë, me ndjekësit që ndajnë opinione të ndryshme për mënyrën e tij të të luajturit. /Telegrafi/