Gjashtë kontrata afër skedimit – Interi planifikon rinovimin me tre lojtarë, tre tjerë do të largohen në verë

Kontratat e gjashtë lojtarëve skadojnë me Interin në fund të sezonit, por tre prej tyre do t’iu ofrohen marrëveshje të reja, ndërsa tre pritet të largohen.

Nerazzurrët po kërkojnë të shkundin pak skuadrën e Simone Inzaghit në verë për t’i dhënë atij një ekip më konkurrues për të garuar në Ligën e Kampionëve dhe për të konfirmuar rritjen e ekipit në vitet e fundit.

Disa prej atyre me kontrata të skaduara dëshmuan vlerën e tyre për Interin në fitoren 3-1 ndaj Spezias të premten mbrëma.

Sipas Calciomercato.com, Interi planifikon të rinovojë kontratat e Samir Handanovic, Danilo D’Ambrosio dhe Ivan Perisic, tre lojtarë që ishin disa nga më të mirët në fitoren komode ndaj Spezias.

L’#Inter taglia la metà dei calciatori in scadenza di contratto: le trattative per 3 conferme [@CriGiudici] #calciomercato https://t.co/56Iu8EAqL7 pic.twitter.com/Ih3uswxCvZ

— calciomercato.com (@cmdotcom) April 16, 2022

Megjithatë, është një histori ndryshe për Andrea Ranocchia, Aleksandar Kolarov dhe Matias Vecino, të cilët do të largohen nga klubi në fund të qershorit.

Handanovic pati një ndeshje të mirë në fitoren e djeshme, duke bërë një pritje kyçe pas një gabimi të Perisic në fillim të ndeshjes. Kroati e kompensoi atë duke bërë një tjetër performancë prej ylli, diçka që e bëri edhe D’Ambrosio. /Telegrafi/