Gerrard nuk është i kënaqur me karrierën e tij

Steven Gerrard ka thënë se pas pensionimit kurrë nuk do të jetë i kënaqur me karrierën e tij si futbollist.

Ish-mesfushori i Liverpoolit la klubin e tij të fëmijërisë për LA Galaxy dhe derisa ka shijuar momentet më të mira në Anfield, ai ka thënë se gjatë karrierës së tij ka pasur edhe momente negative.

Gerrardi zhvilloi më shumë se 700 ndeshje për Liverpoolin, duke realizuar 186 gola dhe gjatë kësaj kohe fitoi dy FA Cup, tre herë kupën e ligës, Uefa Cup dhe Ligën e Kampionëve në vitin 2005.

Për kundër sukseseve, ai kurrë nuk ia doli ta ndihmojë Liverpoolin që t’i jap fund periudhës pa fituar titullin e Premier Ligës.

“Ju shikoni shpesh ngritjet dhe uljet [e karrierës]”, ka thënë ai për Telegraph.

“E di se kam arritur gjëra të pabesueshme. Por gjithashtu reflektoj në disa periudha të cilat kisha dëshiruar që të jenë ndryshe. Të kisha arritur pak më shumë”.

“Mendoj se kurrë nuk do të jem në paqe. Kur vjen fjala për futbollin, gjithmonë jam i uritur dhe vetjak”.

“Dua më shumë sesa që mund të kem. Jam si një fëmijë, pak i pasjellshëm kur vjen fjala te suksesi. Kisha dashur që të jem i ulur me 10 medalje më shumë”.