Gentli Shoes fillon zgjerimin në rajon (Foto)

Tashmë në Tiranë është hapur edhe dyqani i parë i rrjetit ekskluziv të dyqaneve të këpucëve, Gentli Shoes.

Dyqani i ri, i pari për brendin e këpucëve Gentli Shoes në Shqipëri është hapur në qendrën e madhe tregtare “Toptani”, në qendër të Tiranës.

Në një hapësirë moderne, Gentli Shoes gjendet në një mjedis atraktiv të “Toptanit” (kati i tretë), ku mund të gjenden modelet më të reja të këpucëve, me konceptin e njëjtë që karakterizon brendin e rrjetit të dyqaneve të këpucëve.

Hapja e kësaj përfaqësie është pritur mirë nga vizitorët në “Toptani” pasi që ishte edhe kërkesë e madhe vizitorëve nga Shqipëria të cilët kanë shijuar kënaqësinë e blerjes së këpucëve në rrjetin e Gentli Shoes në Kosovë.

Pikërisht të njëjtën kënaqësi të blerjes mund ta shijojnë të gjithë në Tiranë, pasi që Gentli si distributor i autorizuar i shumë brendeve të njohura botërore të këpucëve i sjellë të njëjtat edhe në kryeqytetin shqiptar, ashtu sikurse edhe modelet e reja, njëjtë si në dyqanet në Kosovë, pa asnjë dallim – për të gjitha grupmoshat.

Në një prononcim për Telegrafin, drejtori menaxhues, Genc Domi, konfirmon se hapja e dyqanit në Tiranë në qendrën e re tregtare, “Toptani”, është rezultat i punës shumëvjeçare dhe përpjekjeve për të bërë zgjerimin rajonal të Gentli Shoes.

“Hapja e dyqanit në Tiranë është në kuadër të planit tonë të zgjërimit rajonal. Tregun e Shqipërisë në veçanti ka kohë që e kemi vëzhguar nga afër. Pas kërkesave të shumta të klientëve tanë nga Shqipëria ne bëmë një hulumtim të tregut nga i cili rezulton që oferta jonë përkon me kërkesat e tregut të Shqipërisë dhe konsiderojmë që tani janë pjekur kushtet të fillojmë veprimtarinë tonë atje. Vendimi jonë është poashtu në sinkron me trendin e përafrimt të dy tregjeve që është evident sidomos vitet e fundit – është kënaqësi e veçantë të jeshë pjesë e këtij procesi. Rrjedhimisht, jemi të bindur se ky vendim është i duhuri.”, theksoi Genc Domi, drejtori menaxhues i Gentli Shoes.

Vlen të përmendet se Gentli Shoes është distributor ekskluziv për rajon i brendeve me renome botërore, Clarks, Vagabond, Ciciban, Steve Madden, Imac, Fly London, Moleca, Vizzano, Kendall + Kylie, etj.

Gentli Shoes është brend i këpucëve që filloi veprimtarinë në vitin 1991 dhe ka pesë dyqane në pikat kryesore tregtare të Prishtinës, me synim zgjerimin rajonal, ku dashuria për këpucën vërehet qysh në momentet e para të qëndrimit në këto dyqane. /Telegrafi/