Real Madridi nuk ka dashur të zbulojë shumë nga shkuarja e Gareth Bale në Londër.
Ylli uellsian ka fluturuar për në Londër për arsye personale, derisa i ka kërkuar klubit spanjoll që mos t’i bëjë publike testet e tij mjekësore.
Sipas asaj që raporton AS, Bale nuk është stërvitur me pjesën tjetër të skuadrës, ndërsa El Chiringuito TV ka publikuar pamje nga nisja e tij për në Londër.
Gareth Bale (Foto: Aitor Alcalde/Getty Images/Guliver)
Uellsiani u kthye i lënduar nga ndeshjet me kombëtaren, derisa kishte humbur dy ndeshjet e fundit te Los Blancos.
AS më tej raporton se vizita e Bale ka të bëjë më shumë për punë personale, se sa rreth lëndimit të tij.
Agjenti i tij, Jonathan Barnett ka thënë se klienti i tij ka të drejtë që raportet e tij mjekësore mos të bëhen të ditura për publikun, pasi edhe ai është një njeri dhe mund ta bëjë një gjë të tillë si një qytetar i thjeshtë.
Bale do të mungojë në ndeshjen ndaj Leganes që zhvillohet këtë të mërkure shkaku i fluturimit të tij për në Londër, derisa ishte stërvitur vetëm në fitnes. /Telegrafi/
