Ekonomi Marketing

Garë apo urë lidhëse: High Scardus Ultra edicioni i tretë

Nëse jeni entuziastë të vrapit apo sportit në natyrë atëherë duhet të njoftoheni me ngjarjen unike të garës High Scardus Ultra, e cila nis në Kosovë, Prizren dhe përfundon në Maqedoni të Veriut.

Çka e bën të veçantë garën është fakti se ajo mbetet një përvojë e jashtëzakonshme që sfidon aftësitë fizike të pjesëmarrësve duke i çuar ata përmes bukurive natyrore të vargmalit më të madh në Ballkan dhe në një udhëtim kulturor unik që lidh dy vende dhe dy parqe kombëtare.

Duke përshkuar qytete, fshatra të largëta, liqene akullnajore dhe lumenj, kjo garë është një testament i asaj që Ballkani mund të ofrojë, duke i dhënë një shteg që sfidon dhe frymëzon – thotë Metodi Chilimanov – Drejtor i Garës.

Ngjarja ka 2 gara(20km dhe 60km) dhe është e vetmja që është e certifikuar nga UTMB Index dhe ITRA në Kosovë.

Më 7 shtator mbahet edicioni i tretë dhe kjo ngjarje nuk është thjeshtë një garë, por urë lidhëse mes dy shteteve ballkanike me vendet e huaja e në veçanti ato që nuk e kanë njohur Kosovën si shtet.

Regjistrohu!

Përveç misionit për të sjellur sa më shumë turistë dhe sportistë në Kosovë, High Scardus Ultra tenton të sjellë gazetarë profesionist nga shtetet që nuk e kanë njohur pavarsinë e Kosovës, për të promovuar me artikuj, blogs dhe PR Kosovën si destinacion turistik I atraksionit, energjisë, rinisë e sportit – thotë Uta Ibrahimi drejtoreshë e Utalaya Foundation, që merret me organizimin e garës në pjesën e Kosovës.

Ndërkohë që regjistrimet kanë filluar për këtë vit, High Scardus Ultra po udhëheqë një kampanjë në media sociale që ofron dhurata mjaft interesante dhe ju ftojmë që edhe ju të bëheni pjesë e saj.

View this post on Instagram

A post shared by High Scardus Ultra (@highscardusultra)

Pritshmëritë për këtë vit janë natyrisht numër më i madh i pjesëmarrësve, jo vetëm nga vendet e huaja por edhe Kosova e Maqedonia, prandaj inkurajojmë të gjithë dashamirët e maleve, sportit, vrapit të bashkohen në këtë garë dhe të jenë pjesë aktive e misionit që kjo garë ka – Të promovojë bukuritë natyrore dhe mbrojtjen e tyre e poashtu jetën e shëndetshme.

Garën e karakterizon një energji pozitive, me njerëz që janë aty sepse e duan vrapin, i duan malet dhe jo se konkurrojnë për çmimet dhe vendin e parë, ne shpresojmë që kjo ngjarje bëhet shkëndijë inspirimi për sportin në natyrë si dhe dashuron njerëzit me Malet e Sharrit – thotë Vigan Hoxha, zyrtar për komunikim dhe vizibilitet.

Kjo garë e vrapit malor në vitin 2022 dhe 2023 arriti te mbledh deri në 300 vrapues nga të gjitha vendet e botës, duke ndikuar kështu në promovimin e turizmit malor dhe sportit.

High Scardus Ultra në vitin 2023 me plotë meritë është vlerësuar me çmimin “Best Europe Tourism Project” nga Guild of British Travel Writers, një komunitet prej mbi 250 shkrimtarësh, fotografësh, autorësh, podkasterësh, blogerësh dhe transmetuesish të akredituar dhe një organ i besuar për komente editoriale të pavarura dhe përmbajtje ekspertësh në Mbretërinë e Bashkuar dhe udhëtimet globale.

Ngjarja organizohet nga Fondacioni Utalaya dhe organizata TREX nga Maqedonia Veriore – të cilët tashmë organizojnë garat më prestigjioze të vrapimit në shtigje në vendin e tyre të respektuar.