Galliani: Nuk do të ketë transferime të mëdha te Milani

Adriano Galliani përjashton kategorikisht transferimin e emrave të mëdhenj të Milanit në janar, por fushata e transferimeve të klubit duhet të fokusohet në shitje njëherë dhe pastaj në blerje.

Rossonerët janë në mes të kalimit të pronësisë te konsorciumi kinez, Sino-Europe Sports, por ajo është shtyrë deri në mars dhe kjo do të thotë se drejtori i klubit italian edhe një herë do të jetë në krye të fushatës së transferimeve, dhe nuk do të ketë emra të mëdhenj që do të vijnë në San Siro.

“Fushata e transferimeve të Milanit është shumë e ndërlikuar. Çdo gjë është e vështirë. Unë mund të bëjë një marrëveshje, të përfundoj atë, por pastaj ne kemi nevojë për miratimin e palës tjetër [Sino-Europe]”, ka thënë Galliani për gazetarët jashtë zyrave të Lega Serie A.

Lexo po ashtu Montella: Milani, ëndrra e bërë realitet

“Tregu lëviz shpejt, mërzitem nëse ka një marrëveshje të plotë dhe pastaj të kem nevojë të kërkojë leje nga të tjerët. Kjo duhet të bëhet si një lëvizje e mesme, të ketë një fushatë neutrale transferimesh, ne do të duhet të shesim para se të blejmë. Kështu që unë nuk e di se çfarë do të ndodhë në janar”, përcjell Telegrafi.

“Marrëveshja Berlusconi-Galliani është që të fokusohem në lojtarë të rinj italianë. Unë kategorikisht mund të përjashtojë nënshkrime të mëdha”, përfundoi drejtuesi italianë. /Telegrafi/