Galatasaray vendosi kufirin për transferimin e Osimhen – po përpiqet ta mposht Chelsean në garë

Osimhen aktualisht është i huazuar te Galatasaray nga Napoli, por skuadra turke nuk ka mundësi ta bëjë të përhershëm lëvizjen e tij.

Klauzola e lirimit të sulmuesit u ul në 75 milionë euro kur ai përfundoi një transferim të përkohshëm te Galatasaray në shtator, por sipas medias turke Sozcu, Gala nuk mund të përballojë dhe të ofrojë shumën për të nënshkruar me lojtarin e Napolit.

Sipas raportit, drejtorët e klubeve mund të arrijnë marrëveshje për 50 milionë euro falë një sponsori.

Plani është të nënshkruajë me Osimhen në afatin kalimtar të janarit për të mposhtur klube si Chelsea.

Blutë ishin në bisedime me Osimhen dhe Napolin në gusht, por nuk arritën të përfundonin marrëveshjen, kështu që Osimhen iu bashkua Galatasarayt në formë huazimi pas përfundimit të afatit kalimtar të verës.

Osimhen së fundmi ka përsëritur se nuk do të largohet nga Galatasaray para përfundimit të sezonit.

Burimet italiane shkruajnë se klauzola e Osimhen për afatin kalimtar të janarit është 90 milionë euro, megjithëse Galatasaray mund ta marrë me një tarifë më të ulët. /Telegrafi/