Gafa e modeles Winnie Harlow, ndërpreu garën e Formula 1 një xhiro më herët

Gara për Çmimin e Madh të Kanadasë në Formula 1 ka përfunduar një xhiro më herët, pasi supermodelja Winnie Harlow e valëviti flamurin e kontrollit para kohe.

Një zyrtar i garës e i ka dhënë instruksione bukuroshes për ta valëvitur flamurin në garën e parafundit, ashtu që rezultati final i kualifikimit ishte nga xhiroja e mëparshme.

“IT WASNT ME” *Shaggy Voice* when they tell you to wave the flag a lap too early 😂😩😡🏁🏁 but I’m so grateful no one was hurt! 🙏🏽🏎 @F1 pic.twitter.com/2wBmH3SDOP

— ♔Winnie Harlow♔ (@winnieharlow) June 10, 2018

Megjithatë, gabimi nuk ndikoi në rezultatin e garës, sepse Sebastian Vettel e ruajti shpejtësinë, por i dërgoi mesazh ekipit të Ferrarit se ndërprerja kishte ndodhur para kohe.

Lexo po ashtu Të gjitha lajmet për Formula 1

Pasi e siguroi fitoren e tretë të sezonit, gjermani ka pranuar se ishte i shqetësuar se gabimi do të kishte shkaktuar një situatë të rrezikshme për tifozët dhe pjesëtarët e sigurimit në pistë.

Harlow ishte mysafire e garës së Formula 1 dhe ajo është një shoqe e pilotit të Mercedesit, Lewis Hamilton.

Modelja e ka vënë në pah anën komike të kësaj ngjarjeje duke iu përgjigjur komenteve të shumta duke përfshirë edhe atë të pilotit të Renaultit, Nico Hulkenberg.

Sidoqoftë, më vonë u mësua se flamuri i ishte dhënë asaj në një moment të gabuar për shkak të keqkuptimit ndërmjet urës së fillim/mbarimit dhe kontrolluesve të garës.

When you tell @WinnieHarlow to wave the chequered flag too early 🙈

Miscommunications happen!#NoHarmDone pic.twitter.com/3uWCl6zMbG

— Formula 1 (@F1) June 10, 2018

Nuk është hera e parë që një personalitet i famshëm bën një gafë të tillë, pasi legjenda braziliane, Pele, kishte dështuar ta valëvitë flamurin në momentin e duhur në vitin 2002. /Telegrafi/