Frika nga humbja e rekordit të Ligës së Kampionëve nga Lionel Messin, faktori kryesor se përse Cristiano Ronaldo e kërkon largimin nga Unitedi

Cristiano Ronaldo i ka thënë sërish Manchester United dëshirën e tij për t’u larguar nga klubi pas një takimi me Erik ten Hag të martën.

Sipas The Athletic, forca kryesore shtytëse pas lutjes së portugezit për transferim është futbolli i Ligës së Kampionëve, diçka që Old Trafford nuk mund ta ofrojnë pasi përfunduan në vendin e gjashtë në Ligën Premier sezonin e kaluar.

37-vjeçari dëshiron të largohet për në një klub që luan në garën kryesor të klubeve evropiane, në mënyrë që të çimentojë rekordin e tij të shënimit. Ai aktualisht është në krye të listës së golashënuesve të të gjitha kohërave të Ligës së Kampionëve me 140 gola, 15 përpara rivalit të përhershëm Lionel Messit, i cili është dy vjet më i ri dhe do të luajë në Ligën e Kmapionëve me Paris Saint Germain.

Lexo po ashtu Dalin prapaskenat nga Carrington: Si u prit Ronaldo dhe çfarë u tha shokëve të skuadrës pas kthimit të tij te United

Mega ylli portugez është gjithashtu tre gola prapa Messit në numrin e golave ​​të fazës së grupeve të Ligën e Kampionëve dhe kjo është diçka që ai do të dëshironte ta ndryshonte. Besohet se fitimi i trofeve dhe arsyet familjare janë gjithashtu disa nga arsyet pas vendimit të tij për të kërkuar një të ardhme diku tjetër.

Agjenti i tij Jorge Mendes po punon gjatë gjithë kohës për t’i gjetur Ronaldos një klub të ri. The Athletic raportoi se janë zhvilluar diskutime me klubin e fëmijërisë së pesë herë fituesit të Topit të Artë, Sporting Lisbonës. Klubi i parë profesionist i Ronaldos do të marrë pjesë në Ligën e Kampionëve pas përfundimit të dytë në Superligën e Portugalisë.

Lexo po ashtu Jorge Mendes në bisedime me Sporting Lisbonen për rikthimin e Ronaldos

Megjithatë, mbledhja e fondeve të nevojshme për të rikthyer Ronaldon në Lisbonë mund të jetë e vështirë për klubin portugez. Përveç kësaj, trajneri Ruben Amorim nuk është i sigurt për shtimin e Ronaldos në radhët e tij, për shkak të ndryshimit të madh në dinamikën e ekipit që do të shkaktonte 37 -vjeçari.

Në anën e mirë, nënshkrimi i Ronaldos do të sjellë avantazhe të mëdha tregtare pasi ai është në gjendje të tërheqë mundësi të pafundme marketingu në skenën më të madhe. /Telegrafi/