Fortnite në bashkëpunim me Twitch Rivals do të organizojnë turneun në modalitetin e ri Fortnite Zero Build

Në partneritet me Twitch Rivals, Fortnite do të mbajë ngjarjen e radhës ‘Creator Series Fortnite Zero Build’ me një grup çmimesh rreth 405 mijë euro.

Pasi EpicGames ka vendosur përgjithmonë modalitetin pa ndërtime në lojën e Fortnite, kjo ka shfaqur interesim të madh nga lojtarë dhe streamer të ndryshëm.

Fortnite dhe Twitch Rivals po organizojnë turneun e radhës i cili do të fillojë nga data 2 prill, ky turne me ftesa do të luhet në modalitetin Fortnite Zero Build. Streamer në Amerikën e Veriut, Evropë dhe Amerikën Latine mund të luftojnë për një grup çmimesh prej 90 mijë euro në dispozicion për çdo rajon.

Announcing the $450,000 Twitch Rivals: Creator Series ft. the all-new Fortnite Zero Build

More details in our blog 👇https://t.co/hS2YN55HB9

— Fortnite Competitive (@FNCompetitive) March 29, 2022

Kjo nuk është e gjitha pasi streamer të famshëm të Amerikës së Veriut si Alixxa, NickEh30, Pgod, Sommerset dhe më shumë, do të organizojnë pesë turne shtesë gjatë prillit dhe majit, me secilin streamer që do të shpërndajë grupin e vet të çmimeve prej 9 mijë euro.

Lexo po ashtu Streameri i famshëm TimtheTatman po organizon turneun e tij në Call of Duty Warzone

Streameri i pestë nuk është bërë ende i ditur por mundësitë janë të mëdha që Ninja të jetë pjesë e këtij organizimi, pasi që së fundmi ka qenë mjaft aktiv me transmetimet e tij në Twitch duke luajtur Fortnite. /Telegrafi/