Formacioni më i mirë në Superligë për javën e tetë

Superliga e ka mbyllur javën e tetë, me vetëm një ndeshej që do të zhvillohet më vonë. Nuk kanë munguar ndeshjet e bukura, e as befasitë në këtë javë.

Ndeshje shumë e bukur dhe deri në fund nuk dihej fituesi ishte ajo mes Feronikelit – Llapit, që në fund i nxori fitues llapjanët me rezultat 2-1.

Gjilani fitoi si mysafir i Flamurtarit me rezultat 4-1, ndërsa Drita e mposhti Vushtrrinë me rezultat 5-1.

Dukagjini e mori fitoren e parë ndaj Trepçës ’89 (1-0), ndërsa Ballkani e mposhti si mysafirë Ferizajn (2-1).

Ndeshja mes Prishtinës dhe Drenicës është shtyrë.

Telegrafi i ka zgjedhur lojtarët më të dalluar të kësaj javë duke i futur në një formacion të renditur 3-4-3.

Portier

Kenan Haxhihamza po tregon formë të lartë këtë edicion. Edhe ndaj Flamurtarit ai ishte prej më të mirëve në fushë, duke bërë pritje të jashtëzakonshme.

Mbrojta

Mbrojtja vjen me tre. Në të djathtë është Erlis Frashëri që pati paraqitje të mirë në fitoren ndaj kuqezinjve të Prishtinës.

Në qendër është Xhelil Abdullai i Llapit, që shkëlqeu ndaj kampionit në fuqi Feronikelit, ndërsa në krahun e majtë të mbrojtjes është Arbër Potoku që po tregon formë të mirë.

Mesfusha

Mesfusha vjen me katër. Në të djathtë është talenti i Dritës, Albin Krasniqi që asistoi dy herë ndaj Vushtrrisë.

Mentor Zhdrella dhe Arbnor Ramadani ishin në formë të jashtëzakonshme ndaj Feronikelit, ku i pari shënoi në portën e kampionit, derisa gjilanasi asistoi në golin e fitores të shënuar nga Mërgim Pefqeli.

Në krahun e majtë të mesfushës është edhe super talenti Blendi Baftiu që shkëlqeu ndaj Ferizajt, ku shënoi golin e parë në fitoren 1-2 të Ballkanit.

Sulmi

Sulmi vjen me golashënues që vendosën ndeshjet. Në krahë të djathtë Betim Haxhimusa që shënoi dy herë.

Në krahun tjetër Gerhard Progni që shënoi dy herë dhe asistoi një herë ndaj Flamurtarit.

Në qendër të sulmit, Husein Demiri i Dukagjinit që shënoi golin e fitores së parë për klinasit.

Trajneri

Tahir Batatina e mposhti kampionin aktual Feronikelin midis Drenasit.

Skuadra e tij prodhoi shumë raste dhe rezultati ka mundur të jetë edhe më i lartë. /Telegrafi/

Formacioni