Ford po “vë bast kompaninë” për furgonin elektrik të stilit Tesla që mund ta definojë të ardhmen e prodhuesit

Performanca e Lightning F-150 e Ford mund të ndërtojë ose të prishë kompaninë, sipas William C.Ford Jr., kryetari ekzekutiv i kompanisë dhe stërnipi i Henry Ford. Dhe ai po mbështetet te kushëriri i Chris Farley, Jim për ta realizuar atë.

“Nëse ky lansim nuk shkon mirë, ne mund të njollosim të gjithë privilegjin”, tha Ford për New York Times.

Ford aktualisht po lufton me konkurrentët si General Motors, Tesla dhe Rivian, secila prej të cilëve ka investuar shumë në sektorin e automjeteve elektrike, dhe po vë bast shumë se F-150 do të jetë vetura për të mbizotëruar.

Kompania tashmë ka 200 mijë rezervime për furgonin elektrik, që është planifikuar të nisë prodhimin të hënën e ardhshme.

Jim Farley, CEO i Ford Motor Company dhe kushëriri i komedianit Chris Farley, nuk është gjë tjetër veçse serioz në lidhje me potencialin e makinës për sukses.

Farley po vë bast se shpejtësia e furonit (që mund të arrijë 96 kilometra për orë në katër sekonda) dhe çmimi prej 40 mijë dollarësh që është më i ulët se i konkurrentëve, do ta ndihmojë atë të dallohet nga Tesla, makina më e lirë e së cilës fillon me më shumë se 48 mijë dollarë.

Tesla planifikon të fillojë vitin e ardhshëm prodhimin e Cybertruck-ut elektrik. /Telegrafi/

https://www.youtube.com/watch?v=g5d_xUb0US8