Flet avokati i Palevskit, të dyshuarit kryesor për vrasjen e dyfishtë në Maqedoni

Vasko Stojkov është avokati i Ljupço Palevski, i dyshuari kryesor për vrasjen e dyfishtë në Maqedoni, i cili u përmend në konferencën për shtyp të ministrit të MPB-së, Oliver Spasovski si bashkëudhëtar në ikjen e Palevskit në Beograd, përcjell Telegrafi Maqedoni.

Lexo po ashtu Paratë e banesës së shitur kanë qenë arsyeja që të kushtëzohet nëna e Vanjës

“Më kërkoi ta dërgoj në Beograd pasi nuk ka veturë dhe nuk ka mundur të gjejë noter për t’i përkthyer dokumentat e nje veture tjetër që të udhëtojë jashtë shtetit. Unë nuk kam lidhje me këtë. Unë vetëm e di se më kërkoi të shkoj në Beograd, për disa kontrolla të caktuara me termin. I thash se do ta dërgoj atje, pasi nuk kam ditur asgjë në lidhje me vrasjet” ka thënë Stojkov.

Lexo po ashtu Kush janë personat e ndaluar për vrasjen e dyfishtë në Maqedoni, njëri ka parti proruse dhe ka qëndrime ekstremiste

“Ai mbeti në Beograd pasi më tha se ditën e nesërme ka vizitë tek mjeku. Nëse është gjithçka në rregull, do të kthehet në Maqedoni, nëse ka komplikime do të shkojë në Turqi. Kur erdha në Maqedoni, në kufi policia më kontrolloi të tërin dhe ju tregova gjithçka që dija, pasi unë nuk kam asgjë për të fshehur”, tha Stojkov për TVTelma, duke shtuar se tashmë është në Maqedoni.

Lexo po ashtu Spasovski: Monstra që ka kryer vrasjen nuk është në Maqedoni

“Unë jam avokat dhe të gjithë kemi përgjegjësi para shoqërisë dhe normalisht se do të informoja organet, nëse do dija diçka”. /Telegrafi/