Flaka përfshin aeroplanin e kombëtares së Arabisë Saudite

Tashmë ka filluar kampionati botëror në futboll, ku nuk munguan edhe rezultatet befasuese.

Një ndër to ishte humbja e thellë e Arabisë Suadite nga Rusia, ku rezultati në semafor tregonte shifrat 5-0.

Por, kombëtarja arabe përjetoi momente tmerri kur po udhëtonte drejt qytetit rus të Rostovit, ku do të zhvilloj ndeshjen e dytë të Botërorit.

Aeroplani që po barte futbollistët e ekipit bardhegjelbër e kaploi një zjarr që shkaktoi edhe panik te lojtarët.

Lexo po ashtu Robert Berisha beson se Rusia mposhti Arabinë për shkak të Ramazanit

Flakët shpërthyen në njërin prej motorëve të “Russian Airlines Airbus” gjersa ishte duke fluturuar në qiell.

“Federata e Futbollit Saudite dëshiron të sigurojë të gjithë se lojtarët dhe anëtarët e Kombëtares janë mirë dhe të sigurt pas një dëmtimi të vogël dhe teknik të motorit të avionit. Avioni është ulur para pak minutave në Rostov në Don Airport, kurse edhe personeli i avionit janë të sigurt”, thuhet në një deklaratë zyrtare të federatës saudite për media.

Ndryshe, Arabia Saudite do të takohet të mërkurën me kombëtaren e Uruguait. /Telegrafi/

فيديو لتصوير لحظة إشتعال النار في جناح الطائرة .. pic.twitter.com/vqquyDQI5V

— اخبار كرة القدم (@Nsports24) June 18, 2018