Fjalët e Miralem Pjanic në prezantimin si lojtar i Barcelonës

Miralem Pjanic ka nisur epokën e re në karrierën e tij, kur sot është prezantuar në ambientet e klubit të Barcelonës.

Pjanic i cili i kushtoi arkave të Barcelonës plot 60 milionë euro, në këtë aventurë të re do të mbajë veshur fanellën me numër 8.

30-vjeçari u shfaq shumë i lumtur për kalimin në një superklub si Barcelona duke nënvizuar se në karrierën e tij kishte ardhur koha për një ndryshim.

“Falënderoj klubin, presidentin si dhe Eric Abidal që unë jam sot këtu. Është një nder për mua që t’i bashkohem kësaj familjeje të madhe”.

With @Miralem_Pjanic ’s arrival, we have gained a committed, experienced player who is keen to continue playing at the highest level in the Camp Nou. Welcome to Barça! pic.twitter.com/CEHdutkDJJ

— Josep Maria Bartomeu (@jmbartomeu) September 15, 2020

“Do të jam maksimumin për këtë fanellë dhe shpresoj që të fitojmë sa më shumë tituj së bashku. Kur kam qenë fëmijë gjithmonë kam ëndërruar për të luajtur me Barcelonën dhe tashmë ajo ëndërr është kthyer në realitet”, ka thënë Pjanic gjatë prezantimit.

Pjanic ka ndarë emocionet e tij pas takimit me Lionel Messin.

“Në karrierën time kam pasur fatin të luaj me yje të futbollit botëror si Totti, Buffon apo Cristiano Ronaldo. Këtu u takova me Messin dy ditë më parë. Në momentin kur e takova isha shumë krenar që do të jem shok skuadre me të”.

? Welcome to your new home. pic.twitter.com/8826zUPm9j

— FC Barcelona (@FCBarcelona) September 15, 2020

“Unë gjithmonë përpiqem që të shoh më të mirën dhe të luash me një jashtëtokësor do të jetë një kënaqësi. Gjithsesi grupi është më i rëndësishëm dhe unë besoj shumë tek forca e grupit për të arritur objektivat”, deklaroi boshnjaku.

Në fund Pjanic u ndal edhe te Juventusi ku kishte shumë fjalë të mira për klubin nga Torino.

“U largova nga një klub i madh, ku përveçse fitova shumë tituj, fitova dhe eksperiencë. Pas nënte viteve në Itali kishte ardhur koha për ndryshim dhe po kërkoja stimuj të rinj”.

❝QUOTABLE❞ | @Miralem_Pjanic talks about the aura of Barça. #PjanicCuler pic.twitter.com/lYWlQopPEN

— FC Barcelona (@FCBarcelona) September 15, 2020

“Tashmë dua të njihem sa më shpejt me shokët e ekipit dhe të përshtatem me lojën e tyre. Shpresoj të përshtatem sa më shpejt dhe me futbollin spanjoll, ku tashmë kam filluar dhe kursin e gjuhës, e cila shpresoj që të më ndihmoj,” mbylli fjalën e tij mesfushori. /Telegrafi/