Milani pësoi humbje në shtëpi nga Liverpooli në ndeshjen e fundit të fazës së grupeve të Ligës së Kampionëve me rezultat 2-1, duke mbetur jashtë garave evropiane.
Fikayo Tomori ishte ndër më të mirët e kuqezinjve të Piolit, pasi kaloi Milanin në avantazh në pjesën e parë, por gaboi te goli i dytë i “The Reds”, veprim për të cilin kërkon falje në postimin e bërë në rrjetet sociale.
“Jam ende shumë i acaruar me veten dhe i zemëruar për skuadrën. Do të mësoj nga gabimi dhe do të punoj shumë që të mos ndodhë më”.
“Megjithatë, unë ndihem krenar që shënova në ‘San Siro’ me Milanin golin e parë në Ligën e Kampionëve”.
“Tani duhet të fokusohemi te pjesa e mbetur e sezonit për të kthyer Milanin sërish aty ku i takon dhe për ta bërë këtë sezon të paharrueshëm”, shkruan mbrojtësi anglez.
Milani tani do të koncentrohet në Serie A për të zënë një pozitë sa më të mirë. /Telegrafi/
