LAJMI I FUNDIT:

FFK sqaron situatën rreth stadiumit të Prishtinës, thotë se ndeshja Prishtina-Drita nuk do të zhvillohet aty

FFK sqaron situatën rreth stadiumit të Prishtinës, thotë se ndeshja Prishtina-Drita nuk do të zhvillohet aty

Federata e Futbollit të Kosovës [FFK] ka dalë me komunikatë zyrtare për të sqaruar situatën në lidhje me stadiumin e Prishtinës.

Prishtina dhe Drita do të luajnë mes vete në ndeshjen e fundit të sezonit 2017/18, ndeshja e cila do të vendos kamponin e këtij sezoni.

Komuna dhe klubi i Prishtinës kanë bërë kërkesë zyrtare tek FFK-ja për të zhvilluar këtë ndeshje në kryeqytet dhe tanimë federata ka dalë me komunikatë zyrtare rreth kësaj çështje.


Gjithçka që duhet të dini për stadiumin e rinovuar të Prishtinës
Lexo po ashtu Gjithçka që duhet të dini për stadiumin e rinovuar të Prishtinës

Komunikata e plotë e FFK-së:

“FFK-ja me kujdes ka përcjellë lajmet për ndeshjen e shumë përfolur dhe kërkesën e FC “Prishtina” që ndeshja e fundit këtij kampionati ndërmjet  dy pretendentëve për titull Prishtinës dhe Dritës të zhvillohet në stadiumin e Prishtinës, ndaj jep këtë sqarim për opinion”.

“FFK-ja gjithmonë ka dashur dhe ka qenë e interesuar që ndeshjet të zhvillohen në stadiume të mira dhe sidomos në Prishtinë. Por siç dihet tashmë stadiumi i qytetit në Prishtinë është në rinovim e sipër”.

“Madje FFK-ja ka qenë e interesuar që të paktën dy ndeshje të Kombëtares A të zhvillohen në kryeqytet, por duke ndjekur shqetësimet edhe të UEFA-s, që stadiumi nuk është i gatshëm për zhvillimin e ndeshjeve ka hequr dorë nga një gjë e tillë”.

“Po ashtu FFK-ja me kujdes ka ndjekur edhe punimet në stadiumin  e qytetit dhe sipas informatave nga Investitorët MKRS dhe komuna e Prishtinës si dhe punëkryesit, stadiumi mund të jetë i gatshëm diku nga fundi i qershorit i këtij viti dhe paraprakisht duhet të bëhet pranimi teknik tij dhe më pastaj Komisioni i FFK-së për inspektimin e objekteve sportive i FFK-së do të inspektojë dhe vlerësojë se ai përmbushë kushtet dhe kriteret për zhvillimin e ndeshjeve qoftë kampionale qoftë ndërkombëtare”.

“Së këndejmi me gjithë dëshirën dhe vullnetin që kjo ndeshje të zhvillohet në një stadium të mirë përkatësisht në stadiumin e qytetit në Prishtinë, ku nuk ka pranim teknik të objektit, FFK-ja edhe njëherë sqaron opinionin se këtu nuk është punë marrëveshjeje apo mirëkuptimi, por gjendja është e tillë”, shkruan në njoftimin e FFK-së. /Telegrafi/

Në trend Sport

Më shumë
Real Madridi do t'i rikthejë dy talentët që po shkëlqejnë në skuadrat e tjera

Real Madridi do t'i rikthejë dy talentët që po shkëlqejnë në skuadrat e tjera

La Liga
'Specialisti i penalltive', Florent Hadergjonaj po kalon sezonin më të mirë në karrierë: Dua Evropianin ose Botërorin me Kosovën

'Specialisti i penalltive', Florent Hadergjonaj po kalon sezonin më të mirë në karrierë: Dua Evropianin ose Botërorin me Kosovën

Ndërkombëtare
Bayerni po përgatitë ofertë 50 milionëshe për yllin e Real Madridit

Bayerni po përgatitë ofertë 50 milionëshe për yllin e Real Madridit

Bundesliga
I kërkoi autograf Messit në fund të ndeshjes, gjyqtari mori një pezullim të madh

I kërkoi autograf Messit në fund të ndeshjes, gjyqtari mori një pezullim të madh

Ndërkombëtare
Reali merr tjetër goditje para ndeshjes me Sociedadin, lëndohet edhe Vini Jr

Reali merr tjetër goditje para ndeshjes me Sociedadin, lëndohet edhe Vini Jr

La Liga
Lionel Messi i gatshëm për rikthim të bujshëm te Barcelona

Lionel Messi i gatshëm për rikthim të bujshëm te Barcelona

Ndërkombëtare
Kalo në kategori