Ferdinand-Sanchezit: Nëse dëshiron trofe, te City ke më shumë mundësi se te Unitedi

Rio Ferdinand ka thënë se sulmuesi i Arsenalit, Alexis Sanchez duhet të zgjedh Manchester Cityn si klubi i tij i ardhshëm para Manchester Unitedit.

Të dy klubet nga qyteti i Mançesterit kanë dalë si skuadrat e para në garë për të nënshkruar me yllin kilian, Sanchez, kontrata e të cilit me Arsenalin skadon në verë të këtij viti.

Por, sipas ish-mbrojtësit anglez të Unitedit, Ferdinand, sulmuesi kilian duhet të zgjedh më para transferimin në Etihad.

Lexo po ashtu Unitedi mundohet ta josh Sanchezin me pagë shumë më të lartë së City, ofrojnë edhe pesë milionë bonus për agjentin e tij

Këto komente të ‘bishës’ së mbrojtjes mund të mos ju pëlqejnë tifozëve të ish-skuadrës së tij, por Ferdinand thekson se mundësia e fitimit të titujve është më e madhe te City.

“Unë do të jem i sinqertë, nëse ai ka një mundësi për të shkuar nga Arsenali te Manchester City ose Manchester Unitedi, si një futbollist që do donte të fitonte trofe dhe do të gjykonte veten duke u bazuar në trofe që fitohet, për momentin Manchester City duket si vendi për të shkuar për të në këtë drejtim”, ka thënë Ferdinand për BT Sport.

“Ata janë në krye të ligës, ata do të fitojnë ligën këtë sezon, ata janë në Ligën e Kampionëve dhe ata duken sikur do të jenë në finale për Kupën e Ligës, Kupën FA gjithashtu potencialisht”.

Lexo po ashtu Sanchez lihet jashtë skuadrës së Arsenalit, afër transferimi te Unitedi?  

“Kështu që ai ka më shumë mundësi për të fituar trofe atje [City]”, përfundoi ish-mbrojtësi anglez.

Ndryshe, largimi i Sanchezit nga Arsenali në këtë afat kalimtar është i pashmangshëm, pasi kiliani nuk është grumbulluar fare për ndeshjen e sotme (e diel) ndaj Bournemouthit. /Telegrafi/