Fëmijë mes të vdekurve pas goditjes së autokolonës palestineze teksa po largoheshin nga Gaza

Gjatë mbrëmjes së kaluar u raportua për një goditje ndaj një kolone automjetesh që po shkonte drejt jugut të Gazës. Video që tregonin masakrën në vendngjarje u shfaqën menjëherë në rrjetet sociale.

BBC Verify ka konfirmuar se sulmi ka ndodhur në rrugën Salah-al-Din; një nga dy rrugët e evakuimit nga veriu i Gazës.

Rruga ishte plot trafik gjatë gjithë ditës së djeshme pasi banorët e Gazës me bazë në veri iu përmbajtën paralajmërimeve izraelite për të liruar zonën.

lsrael orders civilians in Gaza to evacuate the northern area and move south, only to target them on their way there. pic.twitter.com/fIZq7CGEUk

— TIMES OF GAZA (@Timesofgaza) October 13, 2023

Të paktën 12 trupa të pajetë shihen në pamje, kryesisht gra dhe fëmijë – disa prej të cilëve duken të jenë të moshës dy deri në pesë vjeç. Pozicionimi i hijeve në video sugjeron se është filmuar rreth orës 17:30 me kohën lokale.

Shumica shihen të shtrirë në pjesën e pasme të kamionit me shtrat të sheshtë – të tjerët janë të shpërndarë nëpër rrugë. Mjete të tjera të dëmtuara gjithashtu mbushin zonën.

Ministria palestineze e Shëndetësisë thotë se 70 persona u vranë në vendngjarje dhe për sulmin fajësohet Izraeli.

Forca e Mbrojtjes e Izraelit (IDF) thotë se po heton, por tha se armiqtë e saj po përpiqen të parandalojnë largimin e civilëve nga veriu. /Telegrafi/