Federata Turke e Futbollit merr vendim për kartonin e kuq të Vedat Muriqit

Federata Turke e Futbollit (TFF) ka vendosur të mos shqiptojë asnjë masë dënimit për sulmuesin e Përfaqësueses së Kosovës, Vedat Muriqi.

Muriqi ishte i papërmbajtshëm në fitoren e fundit të Fenerbahces 0-2 ndaj Gaziantepit në ndeshjen e vlefshme për javën e 18-të në Superligën e Turqisë.

Sulmuesi prizrenas asistoi tek goli i parë i ekipit të tij, ndërsa shënoi golin e dytë dhe të sigurisë në minutat shtesë.

Lexo po ashtu Vedat Muriqi shënon gol në minutat shtesë ndaj Gaziantepit, por ndëshkohet edhe me të kuq

Megjithatë, tregimi i Muriqit nuk përfundon këtu, pasi sulmuesi i Kosovës u ndëshkua me kartonin e dytë të verdhë, respektivisht të kuqin pas golit.

Një gjest josportiv apo tentim vonimi i lojës ka bërë që gjyqtari të ndëshkoj me të kuq Muriqin, i cili më pas u akuzua për ndëshkim me të kuq me qëllim.

Por, TFF tashmë ka marr vendim se nuk ka asnjë provë për të dënuar prizrenasin me ndonjë ndeshje mos-lojë.

Lexo po ashtu Muriqi u përgjigjet analistëve që po e akuzojnë për karton të kuq të qëllimshëm

“Vedat Muriqi u akuzua për shkak të ndëshkimit me të kuq me vetëdije, por ai nuk do të dënohet pasi nuk u evidentua ndonjë shkelje”, thuhet në njoftimin e TFF.

Kështu, Muriqi është i gatshëm për ndeshjen e së shtunës ndaj Basaksehirit në Superligën e Turqisë, pas pushimit në ndeshjen e djeshme ndaj Kayserit. /Telegrafi/

PFDK Kararları – 23.01.2020

? https://t.co/YTrsp7xmxX

— TFF (@TFF_Org) January 23, 2020