FBI-ja shtron këtë enigmë për kandidatët për punë: A mund ta zgjidhni atë?

Kandidatët duhet t’i përgjigjen pyetjes pse burri vdiq dhe gruaja jo

Jo të gjithë mund të jenë agjentë të FBI-së, prandaj për të kufizuar numrin e kandidatëve që do të dëshironin të punonin në këtë agjenci qeveritare amerikane, personat përgjegjës për intervistën e agjentëve të mundshëm duhet të gjejnë një mënyrë për të zbuluar pikat e forta dhe të dobëta të tyre, por edhe inteligjencën dhe aftësitë e tyre për të vëzhguar detajet.

Matthew Palandra, i cili prezantohet si TheMagicMatt në TikTok, postoi një video në të cilën zbuloi një enigmë që FBI-a supozohet se ua paraqet kandidatëve të mundshëm për intervistë pune në këtë shërbim.

“Një burrë dhe një grua dalin për të pirë kafe në takimin e tyre të parë. Është një ditë e nxehtë vere, kështu që ndërsa burri dhe një gruaja janë duke pritur për vaktin e tyre, ata të dy marrin nga një gotë me ujë me akull”, fillon ai enigmën, transmeton Telegrafi.

“Gruaja djersitet shumë dhe ka etje të tepërt, kështu që në fillim pi tri gota ujë të ftohtë me akull, ndërsa burri e pinte ujin gjatë vaktit. Më vonë atë ditë, burri i dërgon një mesazh gruas duke i thënë se është i sëmurë dhe ndihet jashtëzakonisht i dobët. Para mesnate policia e shpall të vdekur. Kur gruaja u soll për t’u marrë në pyetje, u konstatua se pijet e saj dhe partnerit i ishin helmuar”, përfundon enigmën Matthew.

Prandaj, kandidatët për punë në FBI duhet t’i përgjigjen pyetjes pse burri vdiq dhe gruaja jo. Para tyre ishte një detyrë e vështirë që vetëm disa arritën ta zgjidhnin.

Mendoni pak për këtë enigmë dhe përpiquni të gjeni përgjigjen e saktë.

#riddle#solve#trythis ♬ Damned – Kevin Sherwood

Zgjidhja:

Gruaja kishte shumë etje, kështu që e piu ujin shpejt. Helmi ishte në akull, për këtë arsye ajo futi një sasi shumë të vogël helmi në trupin e saj. Akulli nuk u shkri në kohë që helmi ta vriste. Burri, nga ana tjetër, e ka pirë ujin ngadalë dhe ka futur në trup një sasi të madhe helmi, sepse akulli në gotën e tij shkrihej. /Telegrafi/