Episodi i ri i Schengen Visa: Basria tenton ta krijojë ilaçin për virus

Sapo doli episodi i ri i serialit Schengen Visa, i titulluar “Eksperimenti”. Në episodin e 56, ekipi i ambasadës bën tentativën e fundit për ndonjë ide që do t’i nxjerrë nga kriza. Por, kjo ide del të jetë më e rrezikshme se që tingëllon.

Në Schengen Visa punët nuk po ecin mirë. Ambasada është e mbyllur, Xhejmsi është në gjendje të keqe mendore, ndërsa ekipi i ambasadës nuk ka ide se si të bëjë para në krizën që i ka kapluar.

Në një takim online, Lulja kërkon që të angazhohen me një ide të fundit, që t’ia prezantojnë Xhemajlit. Ideja është që ta angazhojnë Basrinë, i cili njihet për krijimin e recetave të ndryshme mjekësore. Lulja kërkon nga Basria t’i shkruajë produktet e nevojshme, përmes të cilave do të krijonte ilaçe të ndryshme për t’i shitur.

Kjo i sjellë Basrisë një ide tjetër, të provojë ta zbulojë ilaçin për Coronavirus, e të dalin nga kriza një herë e përgjithmonë.

Ideja pritet mirë nga Lulja, e cila e entuziazmuar lajmëron Xhejmsin dhe angazhon punëtorët t’i ndihmojnë Basrisë. Nëntori caktohet nga Ibra t’i mbikëqyrë punëtorët, e cila i jep atij liri të sillet sikur diktator.

Eventualisht, Basria krijon një ilaq. Të gëzuar, ekipi i ambasadës mblidhen në takim online ta testojnë ilaçin. Nëntori është ai që do ta provojë atë.

Pasi që provon ilaçin, Nëntorit i ndodhë një gjë e papritur, e cila e sjellë atë në një gjendje të pa parë më herët. Kjo situatë bëhet edhe më komike kur Xhejmsi shkon në ambasadë për t’i ndihmuar dhe e sheh Nëntorin të shfrenuar.

Episodin e 56 të Schengen Visa “Eksperimenti”, mund ta ndiqni të premteve nëse jeni të abonuar në GjirafaPremium, apo të dielave, me orar të zakonshëm, nga ora 20:00.

Klikoni këtu për të parë episodin “Eksperimenti”.